ପ୍ରକୃତି ର ଡାକ (୧)
ପ୍ରକୃତି ର ଡାକ (୧)
ସୁବଳ ମହାପାତ୍ର
ଟ୍ରାଫିକ ରେ ଫସି ଯାଇଥିଲା ଜିଗୁ I ପନ୍ଦର ମିନିଟ ହେଲାଣି ଟ୍ରାଫିକ ସରିବାର ନାଁ ନେଉ ନଥିଲା I ସକାଳୁ ଘରୁ ବାହାରିବା ପୂର୍ବରୁ ପେଟେ ପାଣି ପିଇ ଥିଲା I ତାକୁ ପରିସ୍ରା ଲାଗୁଥିଲା ଜୋର ରେ I କିନ୍ତୁ କିଛି କରିବାର ଚାରା ନଥିଲା I ହଠାତ ବର୍ଷା ବି ଆରମ୍ଭ ହେଇ ଗଲା I ପୋଲିସ ଜୀପ ରେ ଡ୍ରାଇଭର ସିଟ ରେ ବସିଥିବାରୁ ତା ହାତ ଆଉ କାନ୍ଧ ରେ ପାଣି ର ଛିଟା ପଡ଼ିବାକୁ ଲାଗିଲା I ସେ ଜଣେ ପୋଲିସ, ଜୀପ ର ଡ୍ରାଇଭର I “ଏମିତି କାହିଁକି ହୁଏ କେଜାଣି? ଠିକ ପରିସ୍ରା ଲାଗିବା ବେଳକୁ ବର୍ଷା ହବ I ନଳକୂଅ ରୁ ବାଲ୍ଟି ପାଣି ଭରି କଲା ବେଳକୁ ପରିସ୍ରା ଲାଗିବ, ସେ ପୁଣି ଅତର୍ଚ୍ଛା” ମନେ ମନେ କହି ଉଠିଲା ଜିଗୁ I ପରିସ୍ରା ର ପ୍ରେସର, ବର୍ଷା କୁ ତାଳ ଦେଇ ବଢିବାରେ ଲାଗିଥିଲା I ଟ୍ରାଫିକ ଛାଡିଲା I ଓହୋ, ମଣିଷ ବଞ୍ଚିଗଲା I ଟ୍ରାଫିକ ରୁ ଆଗକୁ ଯାଇ ଗାଡି ସାଇଡ କରି ଜିଗୁ ଏକରକମ ଡେଇଁପଡି ଧାଇଁବାକୁ ଲାଗିଲା ପୋଲ ତଳକୁ I ଓଃ, କି ଶାନ୍ତି !! କାମ ସାରି, ଗାଡି ନେଇ ପୁଣି ଜିଗୁ ଆଗକୁ ବଢ଼ିଲା ଆଉ ପୋଲିସ ଷ୍ଟେସନ ରେ ପହଞ୍ଚିଲା I ଏହା ଥିଲା କାଲି ର ଘଟଣା I
ଆଜି ପୋଲିସ ଷ୍ଟେସନ ରେ ପହଞ୍ଚିଲା ପରେ ବଡ ବାବୁ ଡାକିଲେ ଆଉ ତା ହାତରେ ସସ୍ପେଣ୍ଡ ଲେଟର ଟା ଧରେଇ ଦେଲେ I ବୁଝୁ ବୁଝୁ କାଲି ର ଘଟଣା ଟିକୁ କେହି ଜଣେ ମୋବାଇଲ ରେ ଉଠେଇ ଭାଇରଲ କରି ଦେଇଛି I ମିଡ଼ିଆ ଵାଲା ହାଲ୍ଲା କରିଛନ୍ତି ଦୈନିକ ଖବର କାଗଜ ଗୁଡିକ ରେ ଆଉ ଟିଭି ଵାଲା ବି ଘନ ଘନ ଦେଖାଉଛନ୍ତି ଟିଭି ରେ I ପୋଲିସ ଵାଲା ହେଇ ସେ ବାହାରେ ପରିସ୍ରା କରିବା ହେଲା ଅପରାଧ I ସ୍ୱଚ୍ଛ ଭାରତ ଅଭିଯାନ କୁ ସେ ଅବମାନନା କରିଛି I ଜିଗୁ ଯେତେ କହିଲେ ବି ତା କଥା କେହି ଶୁଣିବାକୁ ନଥିଲେ I ପ୍ରକୃତି ର ଡାକ କୁ କିଏ ବା ରୋକି ପାରିବ I
.
.
.
.
କିଛି ଦିନ ପରେ ଜଣେ ନେତାଙ୍କୁ ବାହାରେ ପରିସ୍ରା କରିବାର ଟିଭି ରେ ଦେଖିଲା ପରେ, ସେ ଏବେ ଅପେକ୍ଷା କରିଥିଲା ନେତାଙ୍କ ସସ୍ପେଣ୍ଡ ଲେଟର କୁ …..
—ସମାପ୍ତ—
ପଢନ୍ତୁ, ମଜା ନିଅନ୍ତୁ ଓ ମତାମତ ଦିଅନ୍ତୁ
ସୁବଳ ମହାପାତ୍ର
ଗାନ୍ଧିନଗର, ଗୁଜରାଟ , ୩୮୨୦୦୯
ଦୂରଭାଷ – ୯୩୭୬୦୧୨୫୦୦
ଇମେଲ – subal.mohapatra@gmail.com