ନାଲି ଚା

ସୁବଳ ମହାପାତ୍ର

 

ମିନତୀ ସକାଳୁ ଉଠି ଗେରସ୍ତ ପାଇଁ ନାଲି ଚା ଟିକେ ତିଆରି କଲା I ରାତିରେ ହାଣ୍ଡିଆ ରେ ବଟିକା ମିଶେଇ ପିଇକି ଆସିଛି ବାଡ଼ିପୋଡା I ସକାଳୁ ମୁଣ୍ଡ ବିନ୍ଧୁଚି ଯେ କାମ କୁ ଯାଇନି I ଚା ରେ ଲେମ୍ବୁ ଟିକେ ମିଶେଇ ପିଇ ବାକୁ ଦେଲା ତାକୁ I ଜଲଦି ଜଲଦି କାମ ସାରିଲେ ପୁଣି ବାବୁଘରକୁ ଯିବ I ଫି ଦିନ ମଦ ଗୁଡା ପିଇକି ଆସୁଛି I ଯାହା ରୋଜଗାର କରୁଛି ଅଧାରୁ ଅଧିକ ପିଇ କି ଉଡେଇଦେଉଛି I ଛୁଆଙ୍କ ପାଇଁ କ୍ଷୀର ଆଣିବାକୁ ବି ପଇସା ନାହିଁ I କ୍ଷୀର ଚା କୁଆଡୁ କରିବ? ନିଜେ ବି ନାଳି ଚା ଟିକେ ପିଇ ଦେଇ ସେ ବାବୁ ଘରକୁ ବାହାରି ଗଲା I

ବାବୁ ଘର ତାଲା ପଡିଛି I ବାବୁ ବାବୁଆଣୀ ଆଜି ଏତେବେଳ ଯାଏ ଉଠି ନାହାନ୍ତି I ରାତିରେ କଉଠି ଗୋଟେ ପାର୍ଟି ଥିଲା ବୋଲି କହୁଥିଲେ I ଡେରିରେ ଫେରିଥିବେ I ବାବୁଆଣୀଙ୍କୁ ନ ଉଠେଇ ସେ ତା କାମ ଆରମ୍ଭ କଲା I ଝାଡୁ ମାରି ବାସନ ଧୋଇ ମାଛ କୁ ଖାଇବାକୁ ଦେଲା ବେଳକୁ ବାବୁଆଣୀ ଉଠିଲେ I ପାଦ ଇଆଡ଼େ ସିଆଡେ ପଡୁଥାଏ I ତାକୁ ନାଲି ଚା କରି ସେଥିରେ ଲେମ୍ବୁ ପକେଇ ଆଣିବାକୁ କହିଲେ I ବାବୁଙ୍କ ସହ କଣ ସବୁ କଥା ହେଉଥିଲେ “କାଲି ଟିକେ ହେଭି ହେଇଗଲା, ଦି ତିନିଟା ବ୍ରାଣ୍ଡ ଏକାଠି ପିଇଥିଲେ ବୋଲି ଆଜି ହ୍ୟାଙ୍ଗଓଭର ଛାଡ଼ିନି I ଆଜି ଆଉ ଅଫିସ ଯାଇ ହବନି” I

 

ମିନତୀ ତା ଗେରସ୍ତ କୁ ବାଡ଼ିପୋଡା କହିଥିଲା ବୋଲି ଜିଭ କାମୁଡି ଦେଲା I ତା ଗେରସ୍ତ ଯେ ବାବୁ ହେଇ ଗଲାଣି ଏକଥା ସେ ହୃଦୟଙ୍ଗମ କରୁଥିଲା…..

—————ସମାପ୍ତ—————

ପଢନ୍ତୁ, ମଜା ନିଅନ୍ତୁ ଓ ମତାମତ ଦିଅନ୍ତୁ

ସୁବଳ ମହାପାତ୍ର

ଗାନ୍ଧିନଗର, ଗୁଜରାଟ , ୩୮୨୦୦୯

ଦୂରଭାଷ – ୯୩୭୬୦୧୨୫୦୦

ଇମେଲ – subal.mohapatra@gmail.com